Author: Chris
This author has written 470 articles

Spreuke 2:1-22 – Hou jou ore oop vir die wysheid, span jou in om te verstaan.

Preekreeks oor Spreuke: Wyse Woorde vir die Lewe – 29 Julie 2012

Luister in die diereryk

Dit is verstommend hoe goed sommige diere kan hoor.

  • Olifante het nie net baie groot ore nie.  Hulle kan geluid hoor wat 20 keer dieper is as wat ons ore kan optel.  En hulle gerommel kan 6 kilometer ver opgetel word deur ander olifante.  Dit is een van die maniere waarop hulle aangepas is om te kan oorleef en met mekaar te kan kommunikeer oor lang afstande.
  • Uile het van die skerpste ore wat bestaan. Interessant is dat hulle ore nie op dieselfde vlak sit nie – een is net bo die ooglyn, en die ander net daaronder – sodat hulle met absolute presisie die rigting van ’n geluid kan bepaal.  Maar uile kan nie net goed hoor nie.  Hulle reaksietyd is ook verstommend.  Binne ’n 100ste van ’n sekonde kan hulle reageer op die geritsel van ’n muis in die bos.  Dit is waarom uile in die donkerste donker – hulle het natuurlik goeie oë ook – hulle prooi kan vang en só kan oorleef.
  • Vlermuise se gehoor is miskien nog beter ontwikkel, hoewel hulle ’n tipe sonar gebruik om te kan hoor.  As jy ’n muskiet is, en só 15-20 voet van ’n vlermuis af, al is dit stikdonker, en jy piepklein, is jy geskiedenis.  Interessant, vlermuise beskerm hulle ore deur dit toe te maak met elke vlerkklap, sodat hulle gehoor nie verminder met die geraas van hulle eie vlerke nie.  Hulle is eintlik totaal afhanklik van hulle gehoor om te kan oorleef.
  • Dolfyne, wat ook sonar gebruik, kan tot op 70 meter ’n voorwerp opspoor al is dit net so groot soos ’n vyfrand muntstuk.  En soos walvisse kan hulle geluide oor groot afstande onder water optel.

Hoekom?  Want al hierdie diere is afhanklik van hulle ore om te kan oorleef.  Hetsy of dit is om te kan kommunikeer, of om hulle kos op te spoor of om gevaar te kan ontwyk – ore is lewensbelangrik.

Continue ReadingSpreuke 2:1-22 – Hou jou ore oop vir die wysheid, span jou in om te verstaan.

Markus 6:14-29 – Dissipelskap vra altyd ‘n prys

Die West Memphis Three

Miskien ken julle die verhaal van die West Memphis Three.  Dit is die verhaal van drie tieners wat in 1994 aangekla en gevonnis is in West Memphis, Arkansas, vir die moord op drie jong 8 jarige seuns. Damien Echols is ter dood veroordeel, Jessie Misskelley en Jason Baldwin is lewenslank tronk toe gestuur.  Daar is ‘n hele paar dokumentêre daaroor gemaak.  Ek het een daarvan onlangs gekyk.

Van die begin af was daar kontroversie oor die saak teen hulle.  Die kontroversie het ook baie aandag getrek.  Vermaaklikheidsterre met hulle geld, en forensiese kundiges en ander regslui met hulle kundigheid het betrokke geraak. 

Maar met elke nuwe stukkie inligting wat na vore gebring is oor die saak wat die oorspronklike skuldigbevinding in twyfel getrek het, het die oorspronklike hof geweier om enige nuwe inligting te heroorweeg.  Hulle beroep was op ‘n tegniese interpretasie van die wet, wat uiteindelik verkeerd geblyk het.

Continue ReadingMarkus 6:14-29 – Dissipelskap vra altyd ‘n prys

Markus 5:21-43 – Bly maar net glo!

Joni Eareckson Tada

Die verhaal van Joni Eareckson Tada (Joni.  The unforgettable story of a young woman's struggle against quadriplegia & depression, wat ook die basis vir ’n rolprent oor haar lewe gevorm het) is vir baie van u bekend. Sy het op 18 in ’n duik-ongeluk ’n kwadrupleeg geword (1967), en uiteindelik na 2 jaar se ontwrigtende worsteling, haar gebrek te bowe gekom en ’n loopbaan van skilder en skryf gevolg, met baie groot sukses.  Sy is ’n gewilde spreker wat haar geloof in Jesus op innemende manier verwoord en baie mense aangeraak het met haar boodskap van hoop.

Sy is onlangs deur ‘n volgende fase van toetsing, met borskanker, waarna sy die boek – A Place of Healing: Wrestling with the mysteries of suffering, pain and God’s Sovereignty – geskryf het .  Sy vertel in dié nuwe boek van ’n jongman David wat haar een oggend na ’n diens bygedam het, vir haar gebid het, en toe verras was dat sy nie genees is nie.  In die gesprek wat daarna gevolg het, het hy haar beskuldig dat sy sonde in haar lewe moes hê, anders sou sy gesond geword het.  Joni het op haar kenmerkende innemende manier geantwoord, nee, dit is nie die geval nie. 

Hy het egter volhard en toe vir haar van ongeloof beskuldig.  Sy het geantwoord: dit kan wees, maar dan het dit met jou geloof te make en uit Lukas 5 aangehaal waar Jesus die verlamde man genees toe hy die geloof van sy vriende sien (vers 20)!

Inderdaad!  Soos sy self sê: “The focus is always on Jesus Christ and His will for those who suffer.  To possess great faith is to believe in a great Savior, and Scripture welcomes the faith of anyone who believes in Jesus’ will to heal.”

Ons sien dit geïllustreer in die twee ineengestrengelde genesingswonders van Markus.

 

Continue ReadingMarkus 5:21-43 – Bly maar net glo!

2 Korintiërs 6:1-13 – Ambassadeurs van die versoening

Passie vir die evangelie

God se genade ontsluit in ons ’n passie om dit met ander te deel.  Hy bring ons in 'n lewende verhouding met Hom as Vader, Seun en Heilige Gees.  Hierdie verhouding verander ons lewe.  Ons is nie net kinders van die lewende God nie, maar ons hele identiteit word vanuit hierdie nuwe familie gestempel.

Daarom lewe ons nie meer vir onsself nie, kan ons nie meer vir onsself lewe nie, maar vir God.

Dit sluit in dat ons God se genade deel met die mense rondom ons.  Ons word geroep om dit met passie te doen.

Daardie liefde van Christus is so ‘n groot werklikheid vir hom dat niks belangriker is as Hy nie, en omdat die evangelie vir alle mense bedoel is, kan Paulus nie anders as om net daarvoor te lewe nie.

Paulus skets versoening dus hier as die hart van die bediening – versoening met God in die sin van ‘n vryspraak van sonde en ‘n nuwe verhouding met Hom, en versoening met ander deur hulle harte onderling wyd oop te maak vir mekaar. 

Continue Reading2 Korintiërs 6:1-13 – Ambassadeurs van die versoening

2 Korintiërs 5:6-17 – Geseën om tot ’n seën te wees

In die 2007-film, The Bucket List, onderneem twee terminaal-siek mans 'n reis om die dinge te doen wat hulle nog altyd wou doen.  Dis nou voor hulle die spreekwoordelike emmer skop.  Die rolle word gespeel deur Jack Nicholson en Morgan Freeman.

Voor die film vrygestel is, het Parade-tydskrif 'n onderhoud met Jack Nicholson gevoer.  Oor sy persoonlike lewe sê hy: "Ek het altyd so vry gelewe.  Die mantra vir my generasie was; 'Wees jouself, wees jou eie man!'  Ek het altyd gesê mense kan hulle eie reëls hê, wat hulle ook al wil.  Ek sal ook my reëls hê.  Ek sal verantwoordelikheid daarvoor aanvaar.  Ek sal vir my keuses betaal en die skuld daarvoor dra.  Ek het my eie kop gevolg.  Dit was my lewensfilosofie tot diep in my vyftigs.  Maar soos ek ouer geword het, moes ek aanpassings maak."

Die feite van die lewe het uiteindelik die aandag getrek van selfs 'n geharde vrydenker soos Nicholson.  Later in die onderhoud sê hy: "Ons wil almal graag vir altyd lewe, nie waar nie?  Ons vrees die onbekende.  Almal bevind hulle egter op een of ander stadium teen 'n muur vasgedruk.  Ons weet nie wat aan die anderkant van daardie muur is nie.  Dit is waarom ons die dood vrees."

Continue Reading2 Korintiërs 5:6-17 – Geseën om tot ’n seën te wees

07 – Om vir God te LEEF

Psalm 40 – Sondagoggend 27 Mei 09:00 – incarnatio 

Verwelkoming

Dit is Pinksterdag, die verjaarsdag van die kerk.  Kersfees is Jesus se geboortedag.  Pinkster is die kerk se geboortedag.

pentecost 

En die geskenk aan ons op Pinksterdag is die Heilige Gees.  Soos die kinders hierdie hele week geleer het: What’s in the Box?

Kinders bly regdeur die diens.

Ons fokus vandag op die tema: om vir God te LEEF.

incarnatio

  • Ons gaan Psalm 40 lees.  Dit is in jou boekie op p 16.
  • Jy kan aantekeninge maak in die ruimte op p 17, volgens die Lectio Divina skema: Rus, Hoor, Leef.

Continue Reading07 – Om vir God te LEEF

06 – Om God te GENIET

Filippense 4:2-9 – Donderdagaand 24 Mei 18:30 – contemplatio 

Verwelkoming

Ons is besig om Lectio Divina in te oefen, ’n geestelike lees van die Bybel.  Die oorhoofse tema is IN GESPREK MET GOD.  My hoop en verwagting is dat elkeen van julle in julle Godservaring sal groei.

Daarom werk ons elke aand deur die bekende siklus van RUS, HOOR, en LEEF.  Ons fokus vanaand weer op die middelste beweging, om te HOOR.  Ons gaan meer aandag gee aan hoe ons God kan GENIET. 

So het Nico Simpson kontemplasie uitgebeeld.

contemplatio

Dit is om met die vrede en liefde van God vervul te word, baie keer op ‘n woordlose manier.  Sommige gebruik die woord geniet om dit te beskryf.  Ander verkies om van rus te praat.

Continue Reading06 – Om God te GENIET

05 – Om met God te PRAAT

Verwelkoming

Ons is besig om Lectio Divina in te oefen, ’n geestelike lees van die Bybel.  Die oorhoofse tema is IN GESPREK MET GOD.  My hoop en verwagting is dat elkeen van julle in julle Godservaring sal groei.

Daarom werk ons elke aand deur die bekende siklus van RUS, HOOR, en LEEF.  Ons fokus vanaand weer op die middelste beweging, om te HOOR.  Ons gaan meer aandag gee aan hoe ons met God PRAAT. 

So het Nico Simpson gebed uitgebeeld – dit is om met jou lewe in die teenwoordigheid van God te kom en dit met Hom deur te praat.

oratio2

Blaai na by p 12-13 in die boekie.

Continue Reading05 – Om met God te PRAAT

04 – Om te ONTVANG

1 Konings 3:2-15 – Dinsdagaand 22 Mei 18:30 – meditatio

Lofprysing en aanbidding

  • Liedboek 436 – Herskep, o Gees, laat leef, o Gees – sit
  • Vonkk 146 – My gees, my siel, my liggaam wy ek aan U, o Heer – sit
  • Liedboek 434 – O Heilige Gees, o heilige God – staan
  • Vonkk 174 – Strome van seën uit die hemel gee God aan ons deur sy Gees – staan
  • Liedboek 170 – Heilig, heilig, heilig – my hart, o Heer, aanbid U (x2) – sit

Verwelkoming

Ons is besig om Lectio Divina in te oefen, ’n geestelike lees van die Bybel.  Die oorhoofse tema is IN GESPREK MET GOD.  My hoop en verwagting is dat elkeen van julle in julle Godservaring sal groei.

Daarom werk ons elke aand deur die bekende siklus van RUS, HOOR, en LEEF.  Ons fokus vanaand weer op die middelste beweging, om te HOOR.  Ons gaan meer aandag gee aan hoe ons MEDITEER. 

So het Nico Simpson meditasie uitgebeeld – dit is om die Woord ter harte te neem in die teenwoordigheid van God.

meditatio

Continue Reading04 – Om te ONTVANG

03 – Om te LUISTER

Openbaring 10 – Maandagaand 21 Mei 18:30 – lectio

Verwelkoming

Ons is besig om Lectio Divina in te oefen, ’n geestelike lees van die Bybel.  Die oorhoofse tema is IN GESPREK MET GOD.  My hoop en verwagting is dat elkeen van julle in julle Godservaring sal groei.

Daarom werk ons elke aand deur die bekende siklus van RUS, HOOR, en LEEF.  Ons fokus vanaand op die middelste beweging, om te HOOR.  Ons gaan meer aandag gee aan hoe ons LUISTER.  Blaai na by p 8-9 in die boekie.

RUS

Kom ons kom eers tot rus.

Ek gaan dit weer op twee maniere doen.  Met ’n prentjie en dan met ’n begeleide gebed.

silencio1

  • Stel jou voor dat jy in ‘n hangmat lê.  Voel die mat onder jou.  Voel die son op jou vel.  En voel hoe jy ontspan. Haal ‘n bietjie dieper asem en fokus veral op die uitasem.  Dit moet vir jou voel asof jy bietjie vir bietjie afblaas – 2 minute.
  • Dit is hoe ons tot rus in God kom.   Let nou op hoe daar ‘n tweeledigheid in jou kop is.  Daar is jou gedagtes wat beweeg van die een ding na die ander.  Daar is ook ‘n waarnemer, ook jy, wat sien hoe die gedagtes beweeg.  Die waarnemer is jou hulp om jou stadig, een vir een, van die gedagtes los te maak, sodat jy ‘n ruimte in jou kry waarin jy God se woorde kan ontvang.  Soos die gedagtes deur jou beweeg, goed en sleg, sien dit raak en gee dit in ‘n eenvoudige stilgebed vir die Here – 2 minute.
  • Dink nou daaraan dat jy in Jesus se teenwoordigheid is.  In die stilte saam met Hom sal jy vanaand krag en moed kry vir die lewe – 1 minuut.
  • Skryf nou neer wat met jou gebeur het, en wat vir jou duidelik geword het van jouself of van God of van jou lewe.

HOOR

Ons skuif na die tweede beweging – HOOR.

lectio

Lectio Divina is soos ‘n spiraal waarin ons telkens dieselfde elemente herhaal: lees, mediteer, bid, geniet (sommige, Willem Nicol, gebruik die woord rus).  Dié prentjie van Nico Simpson beeld iets hiervan uit.

Só word die Woord deel van jou lewe.  Dit raak ‘n manier om te leef.  Soos Guigo, die 2de, in die 12de eeu gesê het: “Reading puts the solid food into our mouths,  meditation chews it and breaks it down, prayer obtain the flavour of it, and contemplation is the very sweetness which makes us glad and refreshes us.” (aangehaal in Peterson, Eat this Book, 91). 

Giugo, ‘n Kartuisiese monnik, staan in die tradisie van Origines (3de eeu), Augustinus (4de eeu), Benedikt (6de eeu) en het die proses van Lectio Divina geformaliseer in 4 stappe, soos dit in julle boekies is, of soos dit met die Latynse benaminge bekend geword het: lectio, meditatio, oratio, contemplatio.  Ek sit twee stappe, silencio en incarnatio, by op voetspoor van Alice Fryling, The Art of Spiritual Listening – Responding to God’s voice amid the noise of life. Dit is om net beter te kommunikeer dat ‘n mens eers moet stilword voor jy kan luister, en dat jou luister gemik is op die lewe, om te gaan doen of wees wat die Here van jou vra.

Continue Reading03 – Om te LUISTER