Skriflesing

Inleiding

Wanneer ons hierdie teks in Galasiërs lees, is daar twee goed wat ons moet verstaan:

1) Die Joodse Christene het meesal gedink dat as heidene (veral Grieke) Christene word, hulle die Joodse wet en tradisionele bepalings moet gehoorsaam. Hulle was oortuig dat die geloof in Jesus Christus "aangevul" moet word deur die onderhouding van die wet van Moses. Dit is wat ons reeds in Antiochië agterkom (Hand 15:1): "Daar het mense van Judea af gekom en die gelowiges wysgemaak: ‘As julle nie die gebruik van Moses nakom deur julle te laat besny nie, kan julle nie gered word nie'".

Soos ons sal sien, en die sinode in Jerusalem al gesê het, argumenteer Paulus egter dat die wet net 'n soort "noodhulp" vir gelowiges was totdat dit in en deur Christus vervul sou word. Die verlossing in Christus was vir hom volledig. Daartoe hoef niks bygevoeg word nie.

Inleiding

Die brief is deel van ‘n gesprek tussen Paulus en die Galasiërs, heel waarskynlik in die vroeë vyftiger jare van die eerste eeu.  Ons kan natuurlik net hoor wat Paulus sê, en daarby het ons nie die gesprek van die begin af gehoor nie.

Daaruit lei ons af dat Paulus aanvanklik goeie verhoudings met hulle gehad het - ‘Julle het my nooit sleg behandel nie', sê hy in 4:12.  Maar, dat hulle hom nou teleurgestel het deur ‘afvallig te word en 'n ander evangelie' aan te neem (1:6).

Wat ons agterkom uit die Galasiërbrief is dat hulle onder druk was om ‘die wet van Moses te onderhou' (Gal 3:2). En dit was spesifiek verbind aan die vraag: Hoe word ek deel van God se volk?  Hoe is ek ‘n ware kind van Abraham?

Vir Jode van dié tyd was die antwoord voor die hand liggend: jy word deel van God se volk deur die wet van Moses te onderhou. Vir baie van die Joodse Christene was die wet egter ook steeds belangrik, jy moet in Jesus glo EN jy moet die wet onderhou.  Jy word deel van die Christen gemeenskap deur in Jesus te glo, en jy bly deel van die Christelike gemeenskap deur die wet te onderhou.

En hulle het dié gedagte in die kele van die Galasiërs afgedruk. So as hulle elke Sondag in die huis van (sê nou maar) Rufus bymekaar gekom het, was die vraag, hoe verseker ek dat ek deel van hierdie groep kan bly.  Die Joodse Christene se antwoord: deur in Jesus te glo EN die wet te onderhou.  En ‘n hele aantal van hulle het onder dié druk geswig en die Joodse denkwyse aanvaar.

Paulus se boodskap aan die Galasiërs van nie-Joodse afkoms was duidelik: noudat Jesus, die Messias, gekom het, het sake fundamenteel verander. Nou was toegang tot God en tot God se volk nie meer deur twee deure nie, Jesus en die wet nie, maar net deur een: Jesus Christus. Wie dit wou ontken, het nie die blye boodskap by plaaslike omstandighede effens aangepas nie, maar ‘n ander evangelie' (Gal 1:6) verkondig - terwyl daar ‘geen ander evangelie' is nie (v. 7).

En dit is wat ons in gedagte moet hou as ons dié gedeelte saamlees.  Paulus sê dit is Jesus Christus alleen wat jou deel maak van die volk van God.  Die wet is nie 'n deur na God toe nie.  "Ek is die weg ..." sê Jesus.

Kindertyd Ons kom by die hoogtepunt van die kerklike jaar: Kersfees Kruisiging Hemelvaart Pinkster Vandag dink ons aan God die Vader, God die Seun en God die Heilige Gees.  En…

GOD NOOI ONS UIT EN ONS KOM TOT RUS Tema: God werk deur gewone mense Toetrede Lied 420:1 Daar klink 'n lied, daar juig 'n stem, dit klink oor heel…

Verwelkoming Baie welkom.  Groet mekaar. Verjaarsdae - almal wat verjaar, kan staan, dat ons geluk kan sê. Terugblik In die eerste kwartaal het ons bevestig dat die Bybel vir ons…

Arrestasie Dit is die derde arrestasie van Petrus en Johannes. Die eerste was nadat hulle ‘n verlamde man by die tempel genees het (4:3).  Die tweede was nadat daar so…

God nooi ons in en ons kom tot rus

Tema

Palmsondag is die laaste van die Lydensondae. Dit is terselfdertyd die begin van Groot Lydensweek. Daar is dus die element van triomf by die intog in Jerusalem, maar daar is ook die besef dat Jesus gekom het om te ly en te sterf in hierdie einste Jerusalem! Hierdie twee elemente moet ons vandag saam vashou.

En jy word hartlik uitgenooi om hierdie week regtig stil te raak met die hulp van die baie kreatiewe uitbeelding van Jesus se laaste week voor die kruisiging in ons kerkgebou.  Kom enige tyd, neem ‘n handleiding, en raak stil voor God terwyl jy deur die stasies in die kerkgebou beweeg.

Vanoggend se prediking sluit aan daarby met die tema:

Reisgenote van Jesus

Skriflesing

Daar is ‘n paar fases waardeur jy gaan soos jy geestelik groei.

• ONTDEKKERS: Op ‘n ontdekkingstog van die boodskap van Christus
• BEGINNERS: Begin groei in Christus
• GROEIENDES: Kom naby aan Christus
• CHRISTUS-GESENTREERDES: Leef Christus gesentreerd

Twee goed - Boublokke - is regtig belangrik in die eerste drie fases:

• die Bybel en
• Geestelike Gewoontes.

Maar om regtig te vorder na die vierde fase is daar meer nodig:

• om te begin dien.

Geen wonder dat Jesus so pertinent gefokus het op DIENS in die laaste fase van sy werk met die dissipels nie.

En wat my tref van sy manier van werk, is dat Hy dit met soveel deernis doen.

Ons lees Markus 10:35-45

Woordverkondiging

Dit is belangrik om die konteks van hierdie verhaal in ag te neem.

Jesus het gekom om te dien

Jesus is besig op reis na Jerusalem (hoofstuk 10 en verder).  Dit is waarvoor Hy gekom het, om in die sentrum van die Joodse geloof, die hoogste prys te betaal.  Sy hele bediening stuur af op hierdie grootste liefdesdaad, om aan ‘n kruis vir die Jode en trouens vir alle mense te sterwe.  Elke ding wat Hy tot dusvêr gedoen het, elke genesing, elke lering, elke diens wat Hy gelewer het, loop uit op die grootste diens wat enigiemand nog ooit aan die mensdom bewys het, om die pad na God deur die kruis en opstanding oop te maak.

Let op hoe Jesus se hele roepingsverstaan opgesluit lê in vers 45, dat Hy gekom het om te dien en sy lewe te gee as losprys vir baie mense, om hulle uit hulle slawerny aan die sonde los te koop.