Chris van Wyk

Jesus word gedoop – Matteus 3:13-17

Johannes die Doper begin sy bediening met ‘n eenvoudige maar duidelike boodskap van bekering. ‘n Wegdraai van ‘n sondige leefwyse na volle gehoorsaamheid aan die Here.

Hoekom? Want, bekering maak gelowiges gereed vir die ontvangs van die koninkryk van die hemele. Bekering maak dit moontlik dat jy die gawe van die Gees kan ontvang. Dat jy die vrug van die Gees kan dra. Dat jy in die teenwoordigheid van die Here kan lewe.

Sonder bekering is dit onmoontlik om deel te word van die koninkryk van die hemele. So verkondig Jesus dit regdeur sy bediening.

Jesus sê Hy het gekom om sondaars tot bekering te roep (Matt 4:17; 9:13; Mark 2:17; Luk 3:8). Jesus sê dit is nie dié wat lippediens doen en Jesus Here noem wat in die koninkryk van die hemele sal ingaan nie. Nee, net dié wat die wil van sy Vader doen (Matt 7:21; vgl die talle gelykenisse oor die koninkryk in Matt 13).

Die Skrif is dus duidelik daaroor dat daar geen verandering in ‘n mens se lewe kan plaasvind, sonder bekering nie. Die boodskap van die koninkryk van die hemele kan net deur ‘n voorbereide hart, ‘n bekeerde hart, ontvang word.

Dit is waarom die bediening van Johannes die Doper om bekering gedraai het. Dit is waarom die bediening van die kerk steeds om bekering draai. Want dit is wat steeds nodig is in die lewe van elke gelowige. Soos Paulus daaroor skrywe in sy brief aan Titus:

“Want die genade van God wat redding bring aan alle mense het verskyn, en dit leer ons om nee te sê vir die goddeloosheid en wêreldse begeertes en om verstandig, reg en toegewyd in die huidige wêreld te leef,” (Tit 2:11-12 – ASV).

Maar, nie almal het dié woord van bekering aanvaar nie. Want bekering vra opoffering, prysgawe, ‘n neerlê van jou eie wil en jou eie begeertes.

Download English translation: Jesus is baptized – Matthew 3_13-17

HIER VOLG DIE HELE EREDIENS: (more…)

Continue ReadingJesus word gedoop – Matteus 3:13-17

Jesus se kinderjare en die wegraak in die tempel – Lukas 2:41-52

Ons kinderjare is só belangrik. Ons het die week in ons kleingroepe gesels oor ons kinderjare. Wat ons onthou van ons ma’s en pa’s. Wat ons onthou van die kerk.

Dit het my getref hoe Nico Prins vertel van sy pa wat tot bekering gekom het. Watter impak dit op hulle daar in Noord-Rhodesië gehad het. Vandag is dit Zambië.

Ek is self herinner aan dominees wat ‘n rol in my lewe gespeel het. Jaap Weideman. Derick Conradie. En kategete. En my ma en pa wat ons baie Sondagmiddae deur ‘n ritueel geneem het. Eers ‘n Footlong hotdog by die inrykafee The Doll’s House in Mouillepoint. Dan die erediens in die Grootte Kerk. En direk daarna die simfonie orkes in die Stadsaal in Kaapstad.

Jy sal self ‘n paar verhale hê wat jou bybly. En ons moet dié dinge koester. En vir ons kinders vertel. En herinneringe vir hulle skep. Dinge wat hulle kan bybly vir hulle volwasse lewe.

Download English translation: Jesus childhood and getting lost in the temple – Luke 2_41-52

HIER VOLG DIE HELE EREDIENS: (more…)

Continue ReadingJesus se kinderjare en die wegraak in die tempel – Lukas 2:41-52

Jesus is gebore in Betlehem – Lukas 2:1-20

Hulle vertel van die man wat wou weet wat ‘n sensus is.

“Hulle tel al die mense,” was die antwoord.

“Hoekom?” wou hy verbaas weet, “is daar dan een weg?”

Hoekom het die keiser ‘n sensus gehou?

Hy het die mense getel om wins te maak. Want, sy tellery het om belasting gegaan. Hy wou weet hoeveel mense daar is, sodat hulle belasting kan betaal. Almal moes getel word.

Josef en Maria moes na Betlehem reis om daar getel te word. Dit was so 136 km van Nasaret na Betlehem. So tien dae se reis te voet. Maria was nog swanger ook.

Hulle was dus amper soos pionne op ‘n skaakbord. Die keiser het hulle en al die ander mense na sy begeerte heen en weer geskuif.

Ek wonder of jy nie ook soms so voel nie? Dat jy soos ‘n pion rond geskuif word? Dat jy maar net ‘n nommer op ‘n lys is?

Dan voel jy soos baie mense in die wêreld al deur die eeue gevoel het. Dat daar oor hulle besluit word. Dat die magte wat oor hulle gestel is – ja selfs die demokraties verkose magte – met hulle maak soos hulle lus kry.

Jy ken dus waarskynlik daardie gevoel. Want, ons brom dikwels oor die manier waarop dinge gebeur. Waar ons magteloos voel. En net maar moet doen soos ander oor ons  besluit.

Dit is wat ons lees in Lukas 2:1-7.

Download translation in English: Jesus was born in Bethlehem – Luke 2_1-20

HIER VOLG DIE HELE EREDIENS (more…)

Continue ReadingJesus is gebore in Betlehem – Lukas 2:1-20

Die genade en waarheid van Jesus sluit die lewe oop

Kerssangdiens 24 November NGK Somerstrand 18:30

Kerssangdiens PowerPoint.pdf

Johannes 1:1-18 (Bybel vir Almal)

Die Woord was daar voor alles begin het.  Die Woord was by God en die Woord was self God.  Hy was in die begin by God. God en die Woord het alles gemaak.  God het niks alleen gemaak nie.  Hy en die Woord het alles gemaak.  Die Woord het die lewe gebring, en hierdie lewe was die lig vir die mense.  Hierdie lig skyn in die donker, en die donker kon nie die lig doodmaak nie.  God het ‘n man gestuur, sy naam was Johannes.  Hy het gekom om vir die mense te vertel van die lig, sodat almal wat dit hoor, kon glo.  Johannes was nie self die lig nie, maar hy moes vir die mense kom vertel van die lig.  Die Woord was die ware lig.  Hy moes vir al die mense lig bring.  Hy het klaar begin om na die wêreld te kom.  Die Woord was in die wêreld.  God en die Woord het die wêreld gemaak, maar die mense van die wêreld wou nie die Woord ken nie.

Hy het na sy eie mense toe gekom, maar hulle het Hom nie aanvaar nie.  Party mense het Hom aanvaar en hulle het in Hom geglo.  Hy het vir hulle gesê hulle mag kinders van God wees.  Elke mens het ‘n pa, maar die kinders van God het nóg ‘n pa.  Hulle Vader is God self.  Die Woord het mens geword en Hy het by ons kom woon.  Toe ons die wonderlike dinge sien wat Hy doen, het ons geweet dat Hy God is.  Niemand anders was soos die Woord nie, net Hy het van die Vader gekom.  Hy het vir ons gewys dat God altyd genadig is.  Johannes het vir die mense vertel van die Woord.  Hy het gesê: “Hy is die Een, ek het van Hom gepraat toe ek vir julle gesê het: “ ‘Iemand sal kom nadat ek gekom het.  Maar Hy is belangriker as ek, want Hy was daar lank voor my.’ “

Die Woord is vol genade.  Ons het genade gekry van Hom, baie genade.  Moses het die wette gebring, maar Jesus Christus het die genade gebring wat nooit ophou nie.  Niemand het vir God gesien nie, nog nooit nie.  Maar Jesus Christus het vir ons duidelik kom sê hoe God is.  Niemand anders is soos Jesus nie, Hy is self God en Hy is altyd naby die Vader.

(more…)

Continue ReadingDie genade en waarheid van Jesus sluit die lewe oop

Hou vas aan die woorde van God – Openbaring 22:6-21

Ons sluit die kerkjaar af met ‘n boodskap uit Openbaring 22 wat ons verseker van die spoedige en besliste wederkoms van die Here Jesus as aanmoediging om vas te hou aan die woorde van God. Ek sluit aan by ons behoefte om iets van die toekoms te weet, iets wat ek ook in die reeks oor Jesaja in Desember gaan doen. Vandag gaan dit egter oor wat God vir ons in Openbaring van die toekoms openbaar.

Download English translation: Keep the words of God – Revelation 22_6-21

HIER VOLG DIE HELE EREDIENS:

(more…)

Continue ReadingHou vas aan die woorde van God – Openbaring 22:6-21

Stry teen wellus – 1 Tessalonisense 4:1-7

Die studente het gevra oor “lust” – wellus. In die konteks van ons gesprek oor verhoudings en die liefde. Nie net “hoe ver, is te ver” nie, maar wat maak ‘n mens met “lust”, met jou slegte begeertes.

My aanpak in hierdie kort reeks was om eers te gesels oor die ware artikel, die liefde tussen man en vrou, die wyse waarop seksualiteit in die huwelik tot sy reg kom. Daarom het ons na Genesis gekyk met die tema van “helftes en helpers”. Ons het twee keer gekyk na Hooglied en afgesluit met ‘n perspektief op die wonder van “wedersydse interafhanklikheid”.

Dit is hoe God wil hê dat ons in die huwelik mekaar moet liefhê. ‘n Mens moet immers eers weet wat God wil, wat goeie begeertes is, voor jy kan kom by wat God afkeur, en waarvoor ‘n mens dan versigtig moet wees.

Maar, nou kom ons by julle vraag oor wellus. Ek gaan dit aanpak uit die hoek van die woorde wat die NT gebruik vir wellus. Die woord epithumia wat oor die begeertes gaan, en die woord porneia wat oor die dade gaan. (more…)

Continue ReadingStry teen wellus – 1 Tessalonisense 4:1-7

Neem dit en deel dit onder julle – Lukas 22:7-23

Wat is jou ervaring van testamente?

Ek onthou met my pa se dood watter probleem sy testament vir ons as familie was. My ma sou alles erf. Dit het ons geweet. Sy was die enigste begunstigde. Maar, weens probleme met die testament het die reëlings rondom die intestate erfreg ingetree. Ons as kinders moes ons reg om te erf volgens daardie testament afteken. Anders sou my ma nie alles kon erf nie.

My broer was baie betrokke om die boedel afgehandel te kry. Dit het dae en dae geneem. Gelukkig het hy op ‘n punt die “ek weet niks nie” houding ingeneem. Nie in die tou gaan staan nie, rondgedwaal, totdat iemand gevra het of hy nie kan help nie.

Daarna het dinge vinniger gegaan.

Watter stories sal jy kan vertel?

Ons het dit relatief maklik gehad. Baie mense het baie erger probleme. Veral rondom die bepalings van wie erf wat. Wie is begunstigdes en wie nie. Ek het een episode gekyk van die Netwerk 24 aanbieding Die Testament. Dit het my nie aangestaan nie, maar ek het genoeg gesien om te kon agterkom dat daar probleme was met wie kry wat. Met die begunstigdes.

Ai mense, en daardie aantekeninge agter op skilderye wat eers oopgemaak word ná die dood. Dit doen meer kwaad as goed. Moenie uit die graf probeer beheer uitoefen nie.

Nou, soos ek verlede week oor Opbrengs op Beleggings gepraat, en julle miskien gewonder het, waarheen is ek op pad. Dieselfde geld vandag se inleiding oor Testamente. Ek kies doelbewus hierdie inleiding, want dit het ‘n direkte verband met die onderwerp vir vandag, die Nagmaal.

Download the English translation: This is my body which is given for you

(more…)

Continue ReadingNeem dit en deel dit onder julle – Lukas 22:7-23

Belê in God se koninkryk – Filippense 4:10-20

In die finansiële wêreld word daar baie gemaak van die term: “return on investment” – ROI. Opbrengs op belegging – OOB. Dit meet die effektiwiteit van ‘n belegging. Dit is ‘n eenvoudige formule om te gebruik. Jy verdeel die opbrengs van die belegging met die koste daarvan. Die resultaat word uitgedruk deur ‘n persentasie of ‘n ratio. As jy ‘n R1 000 belê in aandele en jy verkoop dit teen R1 200 ‘n jaar later, dan “maak” jy R200. Jy verdeel daardie opbrengs – R200 – met die belegging – R1 000 – en dit beteken jy het 20% opbrengs gelewer.

‘n Opbrengs van 20% is natuurlik wonderlik in vandag se ekonomiese klimaat. Dit is selde dat jy meer kry as ‘n 5 of 6 %. En talle kere is jou opbrengs eintlik ‘n minus syfer…

Maar, dit is ‘n konsep wat nie net sin maak in die finansiële wêreld nie. Dit maak ook baie sin in die gewone lewe. Die tyd en energie wat jy byvoorbeeld belê in jou kinders lewer uiteindelik ‘n opbrengs in terme van hulle gereedheid vir die volwasse lewe.

Dit is ook nie anders in die koninkryk van God nie. Beleggings maak saak. Met dié verskil. Dit gaan in die koninkryk van God oor ‘n opbrengs vir die ewige lewe. Nie maar net vir hierdie lewe nie. Dit gaan oor die opbrengs wat aan die ander kant van die dood steeds ‘n waarde sal hê.

Dit is oor hierdie opbrengs wat ek vanoggend wil praat.

En ek wil aansluit by God se belegging in twee huishoudings in Filippi, die eerste huisgemeente in Europa. Die opbrengs op hierdie belegging van God is immers legendaries. Paulus sonder hulle van al die gemeentes uit as die gemeente wat die meeste bygedra het tot die volhoubaarheid van sy eie bediening in die wêreld.

In sy brief aan hulle uit huisarres in Rome verkondig hy hierdie ongelooflike waarheid aan hulle om hulle tot volhardende vrygewigheid aan te spoor:

“Dit is nie dat ek van julle ‘n bydrae verlang nie; ek verlang eerder dat die belegging wat julle maak, toenemend moet groei … dit is soos ‘n lieflike geur, ‘n aanneemlike offergawe wat God behaag. (Fil 4:17-18)

Soos God in hulle belê het, só het hulle in die koninkryk belê. En dit is hierdie belegging wat hulle in die koninkryk gemaak het wat Paulus wil hê dat dit sal groei.

Download English translation: Invest in Gods Kingdom – Philippians 4_10-20

HIER VOLG DIE HELE EREDIENS

(more…)

Continue ReadingBelê in God se koninkryk – Filippense 4:10-20

Ondersoek die Bybel – Handelinge 17:10-15

Ons leef in ‘n tyd waar die sogenaamde lesers-perspektief deur baie as die voorkeur manier van lees aangehang word. Dit is ‘n lees wat nie aanvaar wat in die teks geskryf is nie. Wat daarop uit is om die teks aan te pas by hulle eie situasie. By hulle eie begeertes. By hulle eie wêreldbeeld.

Dit is ‘n manier van lees wat die teks bevraagteken. Wat die teks lees om daarmee te verskil. Om die agterlikheid of neteligheid van die teks uit te wys. En om iets anders in die plek daarvan te plaas.

Hulle lees daarom met ‘n skêr, soos Jacques Derrida dit gedoen het (gebaseer op die werk van die Joodse filosoof Emmanuel Levinas). Derrida het die teks wat aan ons oorhandig is, beskryf as ‘n geweefde lap, ‘n tapisserie, en die leesproses as ‘n kreatiewe proses wat die volgende twee handelinge behels.

In die eerste instansie impliseer só ‘n lees van die teks dat jy ‘n “sny” in die lap maak. Jy “knip” die teks soos met ‘n skêr. Jy “breek” dus die drade van die lap. Jy knip dit uitmekaar om die normale verstaan van die teks te dekonstrueer, dit tot niet te maak. Jy verwerp enigiets wat nie inpas by jou eie verstaan nie. Jy knip dit uit die teks soos met ‘n skêr.

Dit is egter nie al nie. Daarna begin jy die geweefde lap van die teks herstel. Met jou eie insigte. Met ander bronne tot jou beskikking. Derrida beskryf dit met die beeld van borduurwerk. Jy vleg ‘n nuwe lap met behulp van ander drade, ander insigte, ander idees, totdat dit ‘n heeltemal nuwe karakter aanneem.

Dit is heel anders as wat die karakters in die Bybel die teks gelees het. Gaan lees maar Esra en Nehemia ná die ballingskap as die OT kanon al byna afgehandel is, en hoe hulle die teks lees (Neh 8 bv).

Hulle lees nie met ‘n skêr nie. Hulle lees met ‘n vergrootglas, om so goed as moontlik te verstaan, sodat die Skrif hulle lewe kan bepaal.

Dieselfde geld die gemeentes waarvan ons lees in die NT.

HIER VOLG DIE HELE EREDIENS

Download the English: Examine the Bible – Acts 17

(more…)

Continue ReadingOndersoek die Bybel – Handelinge 17:10-15

What is the church?

What is the Church?

Acts 13: 42-52

Summerstrand 18:30 October 6, 2019

Scripture reading and preaching

Acts 13:42-52

My first memory of the church was in the manse of a minister. I was absent when the certificates were handed out for the first year of Sunday school at the church.  I don’t remember much of that. But my mother sent me to get my certificate from Rev Leuvenink in the manse in Vredendal. Alone. Only six years old. I remember the hesitation at the gate; the awe that I felt at his length as he opened the door; the hospitality of the soft drink he poured for me; the lasting impression as I walked back down the dusty street: this is what it must be like to be in God’s presence.

After that I would have many other experiences in the church, walking a path with wonderful ministers – like MC Steyn, Jaap Weideman, André Strydom – and wonderful teachers, and wonderful members. But, that first experience stays with me.

I wonder what your first church experience was like. How was it? What people played a role? How is it today? What does the church mean to you? (more…)

Continue ReadingWhat is the church?