Welkom by hierdie uur van gebed.
Jy weet reeds dat ons op twaalf maniere gaan bid. Min of meer 5 minute vir elke element.
Ek hoop jy is op ‘n plek waar jy stil kan wees sonder onderbrekings. Dat jy ‘n gemaklike stoel het en ‘n gebedsjoernaal waarin jy gebedsversoeke en verhorings sowel as insigte, beloftes en opdragte kan neerskryf.
Ek gaan telkens die element van gebed aankondig met musiek in die agtergrond. Wanneer ek jou egter kans gee om te bid, sal daar telkens ‘n minuut of twee stilte wees. Tot met die volgende opdrag.
